ඒ.වී.සුරවීර සාහිත්‍ය සේවය ඇගයීම පිණිස විචාර තරගයක්

ශ්‍රී ජයවර්ධනපුර විශ්වවිද්‍යාල, මානවශාස්ත්‍ර හා සමාජීයවිද්‍යා පීඨයේ සිංහල හා ජනසන්නිවේදන අධ්‍යයනාංශය විසින් සංවිධානය කරනු ලබන මෙම විචාර තරගය සඳහා උසස් පෙළ සිංහල විෂය සඳහා නිර්දිෂ්ට මහාචාර්ය ඒ.වී.සුරවීරගේ "අකුරට යන වෙලාවේ" කෙටිකතාව හැර ඔහුගේ වෙනත් කෙටිකතාවක් විචාරය කළ යුතු බව සංවිධායකයෝ පවසති.

කෙටිකතා විචාරය නිරවද්‍ය භාෂා භාවිතයෙන් යුක්ත විය යුතු අතර වචන 1000 නොවැඩි විය යුතු ය.

තරගයට ඉදිරිපත් කරන විචාරය තමන් විසින් ම ලියූවක් බව විෂය බාර ආචාර්යවරයා විසින් සහතික කර, අදාළ කරුණු සහිත ව සකසන ලද අයදුම්පතක් සමඟ විචාරය 2024 අගෝස්තු පහළොස් වැනිදාට පෙර sinhlashortstory@gmail.com විද්‍යුත් තැපැල් ලිපිනයට (Email) යොමු කළ යුතු ය.

ජයග්‍රාහී කෙටිකතා විචාර සඳහා තිළිණ හා සහතිකපත් ප්‍රදානය විශ්වවිද්‍යාල පරිශ්‍රයේදී  සිදු කරනු ලබන අතර ජයග්‍රාහී විචාර අධ්‍යයනාංශයෙන් ප්‍රකාශයට පත් කරනු ලබන විශේෂ මාර්ගගත සඟරාවෙහිද පළ කරනු ලබන බව සංවිධායකයෝ වැඩිදුරටත් පවසති.

වැඩිදුර විස්තර සඳහා අමතන්න
076 3148089  -සිතුමිණි කාවින්ද්‍යා 
077 344 3856-තරුෂි නවෝද්‍යා